Runde Miljøsenter består av Runde Forsking og Opplev Runde

 
Forskingsstasjonen ved Runde Miljøsenter er drifta av Runde Forsking. Mellom dei tilsette er det marinbiologar, oseanografar og andre forskarar. Det blir utført forskingsprosjekt og undersøkingar i samarbeid med-, og på bestilling frå både offentlege og private verksemder. Gjestande forskarar og leigetakarar har høve til å nytte fasilitetar som båt, sjøbod, laboratorium og kontor.

Besøkssenteret ved Runde Miljøsenter er drifta av Opplev Runde. Her finn du naturrettleiarar og eit vertskap som jobbar tett opp mot forskingsmiljø og reiseliv. Publikumsretta aktivitetar gir unike opplevingar til små og store grupper. Her er kafe og gode fasilitetar for møter og arrangement, overnatting og utandørs aktivitetsbaserte tilbod heile året, både for bedrifter og privatpersonar.